Bréfamaraþon Amnesty International er haldið um allan heim kringum alþjóðlega mannréttindadaginn 10. desember.

Amnesty International fordæmir aftöku Shahla Jahed, sem fram fór í Teheran í morgun. Samtökin gagnrýna írönsk yfirvöld harðlega fyrir að taka hana af lífi.

Taktu þátt í alþjóðlegu bréfamaraþoni Amnesty International og skrifaðu undir kort í þágu þolenda mannréttindabrota á aðventunni. Tilbúin bréf til stjórnvalda á staðnum.

Amnesty International fagnar því að Aung San Suu Kyi hafi verið leyst úr haldi, en hvetur um leið stjórnvöld í Mjanmar til að leysa alla samviskufanga í landinu tafarlaust úr haldi.

Íslandsdeildin hefur ætíð leitast við að fá verk íslenskra listamanna til að prýða kortin. Jólakort 2010 er eftir meistara Ásgrím Jónsson og heitir Vetur. Börn að leik.

Amnesty International hvetur bandarísk stjórnvöld til að rannsaka hvað starfsmenn bandarískra yfirvalda vissu um pyndingar og aðra illa meðferð á fólki í varðhaldsvist íraskra öryggisyfirvalda, eftir að ný gögn birtust í skjölum sem Wikileaks samtökin birtu þann 22. október.

Amnesty International hvetur kínversk stjórnvöld til að leysa alla samviskufanga í landinu úr haldi, þeirra á meðal baráttumanninn Liu Xiaobo sem nýverið fékk friðarverðlaun Nóbels.

Íslandsdeild Amnesty International stendur fyrir viðburði í Dropanum í Smáralind, laugardaginn 9. október frá klukkan 13:00 til 17:00 til stuðnings Róma-börnum í Slóvakíu.

Forseti Slóvakíu, Ivan Gašparovič, mun heimsækja Alþingi og funda með þingmönnum mánudagsmorguninn 20. september. Af því tilefni efnir Íslandsdeild Amnesty International til mótmæla mánudaginn 20. september klukkan 9:10, fyrir framan Alþingi, vegna mannréttindabrota gegn Róma-börnum í Slóvakíu.

Þúsundir Róma-barna, vítt og breitt um Slóvakíu, njóta ófullnægjandi menntunar. Ástæðan er útbreidd mismunun í garð Róma-fólks og skólakerfi sem síendurtekið bregst þeim.

Ný ríkisstjórn Rúanda verður nú þegar að endurskoða lög sem notuð eru til að bæla niður pólitískt andóf og brjóta gegn tjáningarfrelsinu. Þetta er meðal þess sem kemur fram í nýrri skýrslu Amnesty International sem kom nýlega út.

Vöfflur, kaffi, kakó, tónlist og mannréttindabarátta!

Yfirvöld í Georgíu verða að tryggja að fólk, sem hraktist á flótta í átökunum á tíunda áratug síðustu aldar og í stríðinu við Rússland í ágúst 2008, fái meira en þá algeru lágmarksaðstoð sem það fær núna.

Sýndu Stand Up United samstöðu með því að mæta á vináttuleik í knattspyrnu, sunnudaginn 13. júní klukkan 16:00 á gervigrasvellinum í Laugardal. Allir eru velkomnir. Ókeypis er á leikinn.

Boðið verður upp heilmikla skemmtun: DJ Maísól þeytir skífum, Ari Eldjárn og Saga Garðarsdóttir verða með uppistand í leikhlé, og blöðrum dreift fyrir yngri kynslóðina.

Kjörís styrkir málefnið með því að bjóða upp á íspinna.

Framkvæmdastjóri Amnesty International hvetur til að komið verði á laggirnar alþjóðlegri rannsóknarnefnd til að rannsaka dauðsföll í árás Ísraelsmanna á hjálparskip á alþjóðlegu hafsvæði undan Gasa.

Íslandsdeild Amnesty International hefur sent bréf til sendiherra Bandaríkjanna, Kína, Frakklands, Rússlands og Bretlands.

„Betri borg – betra líf“ er þema Heimssýningarinnar 2010 (Expo 2010), sem hófst í Sjanghæ þann 1. maí. En slagorðið er merkingarlaust fyrir yfir 18.000 fjölskyldur sem sættu þvinguðum brottflutningi af heimilum sínum til að byggja sýningarsvæðið.

Næstkomandi fimmtudagskvöld, 6. maí 2010, sýnir Íslandsdeild Amnesty International mynd Mathildu Piehl, The Kuchus of Uganda, í húsakynnum deildarinnar að Þingholtsstræti 27, þriðju hæð og hefst sýningin klukkan 20:00.

Samkynhneigðir, tvíkynhneigðir og transgender í Eystrasaltslöndunum mæta miklu andstreymi í aðdraganda árlegrar Gleðigöngu (Gay Pride), sem fyrirhugað er að halda í fyrsta sinn í Vilníus, höfuðborg Litháen, þann 8. maí næstkomandi.

Amnesty International hvetur til þess að gerð verði nákvæm og hlutlaus rannsókn á þyrluárás Bandaríkjahers í Írak þann 12. júlí 2007, en myndbandi af árásinni hefur verið lekið. Allt að tólf manns létust í árásinni, þeirra á meðal blaðamaður og bílstjóri hans.

Amnesty International skorar á kínversk yfirvöld að greina opinberlega frá fjölda aftaka í landinu og hversu margir hafa verið dæmdir til dauða.

Stjórnvöld í Malasíu verða að grípa til aðgerða til að stöðva útbreidda misnotkun á farandverkafólki. Farandverkafólk verður fyrir margvíslegri misnotkun og mismunun, bæði á vinnustöðum og af hálfu lögreglu. Farandverkafólk er meira en 20 prósent af vinnuafli landsins.

Ný skýrsla Amnesty International og Omega rannsóknarstofnunarinnar (Omega Research Foundation) sýnir að evrópsk fyrirtæki taka þátt í alþjóðlegum viðskiptum með pyndingatól og -tæki. Meðal þeirra eru veggáhöld sem halda fólki í fjötrum, þumalskrúfur úr málmi, og rafermar sem gefa frá sér 50.000 volta rafstuð.

Í tilefni af alþjóðlegum baráttudegi kvenna stendur Íslandsdeild Amnesty International fyrir sýningu á tveimur heimildamyndum; Defending Women, Defending Rights og No woman should die giving birth: Maternal mortality in Sierra Leone.

Fórnarlömbum nauðgana og annars kynferðisofbeldis er um allan heim meinaður aðgangur að réttlæti vegna kynbundins mismununar og hugmynda um kynhegðun fórnarlamba nauðgana.

Síðastliðið sumar samþykkti litháíska þingið afar umdeild lög um „verndun ungmenna gegn skaðlegum opinberum upplýsingum“ (Law on the Protection of Minors against the Detrimental Effects of Public Information).

Fyrir skemmstu stóð Íslandsdeild Amnesty International fyrir undirskriftasöfnun vegna þvingaðra brottflutninga á fólki á Porgera-svæðinu í Papúa Nýju-Gíneu. Stefndi deildin á að safna 500 undirskriftum frá Íslandi og senda út.

Amnesty International hvetur stjórnvöld í Lýðveldinu Kongó til að vernda baráttufólk fyrir mannréttindum, sem mega sæta geðþóttahandtöku öryggissveita og sífelldum líflátshótunum.

Mannréttindasamtökin Amnesty International hafa fordæmt aftökur tveggja manna sem voru handteknir í mótmælum sem fram fóru í kjölfar umdeildra forsetakosninga í Íran á síðasta ári.

Fyrir skemmstu efndi Íslandsdeild Amnesty International til samkeppni meðal framhaldsskóla landsins um besta árangurinn á bréfamaraþoni í þágu mannréttinda. Sá skóli sem ber sigur úr býtum hlýtur viðurkenningu frá Íslandsdeild Amnesty International þegar úrslit verða tilkynnt, fimmtudaginn 28. janúar næstkomandi í húsakynnum deildarinnar að Þingholtsstræti 27, klukkan 17:00.

Bandarísk yfirvöld og stofnanir Sameinuðu þjóðanna (SÞ) á Haítí verða að ráða bót á skorti á neyðaraðstoð fyrir fórnarlömb jarðskjálftans á Haítí.

Amnesty International hefur enn á ný hvatt kínversk yfirvöld til að binda enda á ritskoðun á netinu eftir að netfyrirtækið Google vakti athygli á því að brotist hefði verið inn í netföng baráttufólks fyrir mannréttindum.