Amnesty International fagnar því að egypskur bloggari hafi verið leystur úr haldi. Hann var handtekinn eftir að hann ýjaði að frændhygli innan herafla landsins á bloggi sínu.

Amnesty International fagnar því að hvítrússneska andófs- og rokktónlistarmanninum Igor Koktysh hafi verið sleppt eftir tvö og hálft ár í varðhaldi í Úkraínu.

Amnesty International fagnar nýlegri ákvörðun ríkisstjórnar Mongólíu um að gera hlé á aftökum í landinu.

Amnesty International fagnar ákvörðun stjórnarskrárdómstóls Rússlands sem færir Rússland skrefi nær afnámi dauðarefsingarinnar.

Amnesty International fagnar því að 68 fangar hafi verið leystir úr haldi í Túnis. Þeim hafði verið haldið í fangelsi í rúmlega ár í tengslum við fjöldamótmæli gegn atvinnuleysi og dýrtíð í Gafsa-héraði.

Amnesty International fagnar lausn samviskufangans Jacintu Francisco Marcial, sem var haldið saklausri í fangelsi í þrjú ár sökuð um að hafa rænt sex alríkislögreglumönnum.

Sex gambískum blaðamönnum sem sátu í fangelsi fyrir ærumeiðingar og undirróður var sleppt úr haldi í byrjun september eftir að forseti landsins náðaði þá.

Fyrrum hershöfðingi sem var yfirmaður varðhaldsmiðstöðvar á tíma herforingjastjórnarinnar í Argentínu hefur verið dæmdur í lífstíðarfangelsi fyrir mannréttindabrot.

Dauðadómum um 4.000 Keníubúa var breytt í lífstíðarfangelsi þann 3. ágúst síðastliðinn.

Stjórnvöld í Tógó ákváðu þann 23. júní síðastliðinn að afnema dauðarefsinguna eftir að þing landsins samþykkti samhljóða frumvarp þess efnis.

Samviskufanginn dr. Binayak Sen, var leystur úr haldi þann 26. maí eftir að hæstiréttur landsins úrskurðaði að hann skyldi látinn laus gegn tryggingu. Hann hafði þá setið tvö ár í fangelsi.

Malasísk yfirvöld slepptu þremur baráttumönnum fyrir mannréttindum úr haldi þann 9. maí. Þeir eru allir félagar í Réttindahópi Hindúa (Hindu Rights Action Force (HINDRAF)).

Síðustu þremur pólitísku föngunum, sem fulltrúar yfirvalda í Simbabve rændu í desember 2008, hefur nú verið sleppt úr haldi. Kisimusi Dhlamini, Andrison Manyere og Gandhi Mudzingwa voru meðal 30 baráttumanna sem urðu fyrir þvinguðum mannshvörfum og ólögmætri varðhaldsvist stjórnvalda.

Yfirvöld í Barein létu nýverið lausa úr haldi alla pólitíska fanga í landinu, 178 talsins, eftir að konungur landsins náðaði þá. Meðal þeirra eru tveir baráttumenn úr röðum sjía-múslima, þeir Hassan Meshaima'a, leiðtogi stjórnarandstöðuhreyfingarinnar al-Haq og trúarleiðtoginn Mohammad Moqdad.

Stuðningur félaga í Amnesty International við Saidzhakhon Zainabitdinov, fyrrum samviskufanga frá Úsbekistan, og fjölskyldu hans meðan hann sat í fangelsi hafði svo mikil áhrif á hann að hann ákvað að gerast félagi í skyndiaðgerðanetinu.

Yfirvöld í Mexíkó hafa fallið frá ákærum gegn fjórum baráttumönnum fyrir mannréttindum frumbyggja landsins. Þeir hafa setið í fangelsi í hartnær ár í Guerrero-ríki, þrátt fyrir haldlítil sönnunargögn gegn þeim. Búist er við að þeim verði sleppt innan skamms.

Tuttugu og fjórum pólitískum föngum var nýlega sleppt í Mjanmar eftir að stjórnvöld tilkynntu að þau myndu leysa 6.313 fanga úr haldi. Einn þeirra er samviskufanginn Ma Khin Khin Leh, sem Amnesty International hefur barist fyrir frá því hún var handtekin í júlí 1999.

Yfirvöld í Aserbaídsjan hafa hætt við lögsókn gegn þekktri baráttukonu fyrir mannréttindum.

Leila Yunus, sem er framkvæmdastjóri Friðar- og lýðræðisstofnunarinnar, veitti fréttasíðunni www.day.az viðtal þar sem komu fram staðhæfingar um mannréttindabrot í réttarhöldum sem hún fylgist með.

Þann 4. desember síðastliðinn beindist rannsókn lögreglu í Króatíu að manni sem grunaður er um að hafa sent morðhótanir til króatíska blaðamannsins Drago Hedl. Málið er til frekari rannsóknar hjá saksóknara í Osijek.

Salwa Salah og Sara Siureh frænka hennar, báðar 17 ára, sættu varðhaldsvist í Ísrael frá því í júní 2008, án ákæru eða réttarhalda. Þær voru báðar leystar úr haldi þann 1. janúar 2009.

Malasískur yfirréttur hefur skipað að bloggarinn Raja Petra Kamarudin skuli leystur úr haldi vegna þess að handtaka hans braut í bága við stjórnarskrána. Handtakan var gerð á grundvelli öryggislöggjafar landsins.

Eitt hundrað fjörtíu og sjö aðildarríki Sameinuðu þjóðanna samþykktu þann 31. október að halda áfram vinnu að gerð alþjóðlegs vopnaviðskiptasáttmála. Aðeins tvö ríki greiddu atkvæði gegn tillögunni; Bandaríkin og Simbabve.

Íran hefur skipað öllum dómstólum að hætta að fella dauðadóma yfir barnungum afbrotamönnum.

Hosni Mubarak forseti Egyptalands hefur náðað Ibrahim Eissa, ritstjóra egypska dagblaðsins Al-Dustour. Eissa var ákærður fyrir að birta upplýsingar sem stjórnvöld telja „skaðleg almannahagsmunum og stöðugleika í Egyptalandi“.

Breska varnarmálaráðuneytið hefur fallist á að greiða bætur til fjölskyldu írasks hótelstarfsmanns, sem lést eftir að hafa verið pyndaður í 36 tíma meðan hann var í haldið breskra hermanna í Basra í Írak.

Mutabar Tadzhibaeva, sem var dæmd í átta ára fangelsi árið 2006, var óvænt sleppt úr haldi mánudaginn 2. júní 2008.

Tveimur baráttumönnum fyrir mannréttindum hefur verið sleppt úr fangelsi í Eþíópíu, en þeim hafði verið haldið frá því í nóvember 2005. Daniel Bekele og Netsanet Demissie voru látnir lausir föstudaginn 28. mars eftir að forseti landsins náðaði þá.

Marokkóbúi sem var fangelsaður fyrir að búa til Facebook svipmynd af prinsi hefur verið leystur úr fangelsi. Fouad Mourtada, sem er 26 ára verkfræðingur, var leystur úr haldi 18. mars síðastliðinn eftir að konungur landsins náðaði hann.

Fyrstu réttarhöldin í Gvatemala vegna þvingaðra mannshvarfa hófust þar í mars 2008. Felipe Gusanero, sem tilheyrði sveitum tengdum hernum, var ákærður mánudaginn 10. mars fyrir að vera viðriðinn þvinguð mannshvörf sex óbreyttra borgara, með vitund og vilja hersins.

Fyrrum aðstoðarritstjóra hvítrússnesks dagblaðs hefur verið sleppt úr fangelsi fyrr en til stóð. Þann 22. febrúar 2008 mildaði hæstiréttur Hvíta-Rússlands dóminn yfir Alyaksandr Zdzvizhkou úr þremur árum í þrjá mánuði.

Flugkennari vann mál fyrir áfrýjunardómstóli í Englandi þann 14. febrúar síðastliðinn. Hann var ranglega ásakaður um að hafa þjálfað ræningja flugvélanna sem notaðar voru í árásunum 11 september árið 2001 í Bandaríkjunum.