Eþíópía: Baráttufólki fyrir mannréttindum sleppt úr fangelsi
Daniel Bekele (t.v.) og Netsanet Demissie (t.h.)
Tveimur baráttumönnum fyrir mannréttindum hefur verið sleppt úr fangelsi í Eþíópíu, en þeim hafði verið haldið frá því í nóvember 2005. Daniel Bekele og Netsanet Demissie voru látnir lausir föstudaginn 28. mars eftir að forseti landsins náðaði þá.
Mennirnir tveir skrifuðu undir bréf þar sem þeir „viðurkenndu mistök“ í tengslum við kosningarnar 2005. Ekki er enn vitað hvort að náðunin er einhverjum skilyrðum bundin.
Daniel Bekele er yfirmaður stefnumótunar hjá ActionAid í Eþíópíu. Netsanet Demissie er stofnandi og framkvæmdastjóri Stofnunar fyrir félagslegu réttlæti í Eþíópíu. Báðir eru mikilsmetnir mannréttindalögfræðingar.
Báðir menn kusu að verja sig gegn ákærunum á hendur þeim, ólíkt öðrum sem öðrum sem ákærðir voru um leið. Réttarhöldin stóðu yfir í tvö ár og í desember 2007 dæmdi meirihluti hæstaréttar Eþíópíu þá seka um að skipuleggja og efna til „óhæfu gegn stjórnarskránni“. Þeir fengu báðir 30 mánaða fangelsi.
Samkvæmt Amnesty International sýndi ákæruvaldið ekki fram á það Daniel Bekele eða Netsanet Demissie hefðu hvatt til ofbeldis og dómararnir dæmdu þá á grundvelli framburðar tveggja vitna, sem ástæða er til að ætla að ekki hafi verið trúverðug og verjendur mótmæltu ákaft. Eþíópísk yfirvöld meinuðu fulltrúum frá Amnesty International að fylgjast með réttarhöldunum í júlí 2007.
Amnesty International fagnar því að þeim hefur verið sleppt, en telur að báðir samviskufangarnir eigi rétt á bótum fyrir þann tíma sem þeir sátu í fangelsi.