Fréttir
Aðgerðir Amnesty International í þágu einstaklinga
Alison Hill frá "Individuals at Risk" teyminu í aðalstöðvum Amnesty International heldur erindi um aðgerðir Amnesty International í þágu einstaklinga
Allt frá stofnun Amnesty International fyrir tæpum 50 árum hafa samtökin barist fyrir einstaklinga sem sæta mannréttindabrotum. Samviskufangar hafa verið leystir úr haldi, komið hefur verið í veg fyrir aftökur, pyndingum hefur linnt og horfnir hafa komið fram. Ein grunnstoða mannréttindabaráttu Amnesty International er starf samtakanna í þágu einstaklinga sem sæta mannréttindabrotum.
Alison Hill er sérfræðingur í aðalstöðvum Amnesty International. Hún flytur fyrirlestur þriðjudaginn 1. desember kl. 20.00 í húsnæði Íslandsdeildar Amnesty International Þingholtsstræti 27, 3 hæð. Í fyrirlestri sínum beinir hún sjónum að rannsóknum og aðgerðum samtakanna í þágu einstaklinga.
Fyrirlesturinn fer fram í húsnæði Íslandsdeildar Amnesty International að Þingholtsstræti 27, þriðju hæð.
Hvetjum alla félaga og aðra til að koma og heyra um aðgerðastarf alþjóðasamtakanna í þágu einstaklinga.
