Lögbindum mannréttindi

Stjórnvöld hafa lagalega skyldu til að uppfylla mannréttindi fólks og tryggja að aðrir grafi ekki undan þeim. Þeim ber einnig lagaleg skylda til að efla mannréttindi.

Hvernig er hægt að koma á laggirnar alþjóðlegu kerfi sem tekur við kærum og rannsakar þær?

Ein leið til að styrkja alþjóðalög er með valfrjálsu bókuninni við samning um efnahagsleg, félagsleg og menningarleg réttindi. Í henni er gert ráð fyrir alþjóðlegu kerfi, sem getur tekið við kærum og rannsakað þær þannig að hópar og einstaklingar um heim allan geti dregið stjórnvöld í eigin landi til ábyrgðar fyrir að brjóta á efnahagslegum, félagslegum og menningarlegum réttindum sínum. Sambærilegt kerfi er þegar fyrir hendi í tengslum við samninginn um borgaraleg og stjórnmálaleg réttindi. Amnesty International vill tryggja að efnahagsleg, félagsleg og menningarleg réttindi njóti sömu stöðu og að fólk alls staðar í heiminum hafi jafnan aðgang að þessum réttindum.