Ákall til Barack Obama, næsta forseta Bandaríkjanna: taktu forystu í mannréttindamálum
Barack Obama
Árásirnar á Bandaríkin þann 11. september 2001 voru glæpur gegn mannkyni. Í kjölfarið hafa Bandaríkin brotið gróflega gegn mannréttindum í nafni baráttunnar gegn hryðjuverkum.
Grunuðum einstaklingum hefur verið rænt og þeir fluttir á laun í leynilegar varðhaldsstöðvar á vegum Bandaríkjanna eða þeir færðir í hendur yfirvalda í öðrum löndum þar sem þeir hafa átt pyndingar yfir höfði sér.
Einstaklingar hafa mátt sæta þvinguðum mannshvörfum. Enn er ekki vitað um afdrif ýmissa þessara einstaklinga.
Hundruð einstaklinga hafa mátt sæta ólögmætri handtöku og varðhaldsvist við aðstæður sem jafngilda grimmilegri, ómannúðlegri og vanvirðandi meðferð í fangabúðunum við Gvantanamó-flóa.
Embættismenn Bandaríkjanna hafa í raun viðurkennt að Bandaríkin hafi beitt pyndingum og annarri illri meðferð og áskilja sér rétt til að gera það áfram.
Viðbrögðum bandarískra stjórnvalda við birtingu upplýsinga um þessi mannréttindabrot hefur verið mjög áfátt og stundum hafa þau í raun hjálpað gerendum að skjóta sér undan ábyrgð sinni að alþjóðalögum.
Barack Obama, næsti forseti Bandaríkjanna, verður að grípa til tafarlausra aðgerða eftir að hann tekur við embættinu til að binda enda á þessa árás á mannréttindi.
Prentaðu út og sendu bréf til tilvonandi forseta Bandaríkjanna