Gríptu til aðgerða: þrýstu á ísraelsk stjórnvöld vegna Gasa

Palestínumanni bjargað úr rústum eftir loftárás Ísraela á Gasa

Ekki sér fyrir endann á hörmungunum á Gasa þrátt fyrir að öryggisráð Sameinuðu þjóðanna hafi samþykkt nær einróma ályktun 1860 þann 9.janúar síðastliðinn, um tafarlaust og varanlegt vopnahlé stríðandi fylkinga. Um 1.5 milljón óbreyttra borgara eru innilokaðir á Gasa-svæðinu þar sem þeir eru berskjaldaðir gegn mannfalli og eignaspjöllum. Á fyrstu tólf dögum átakanna létu rúmlega 670 Palestínumenn lífið og um það bil 3000 særðust í árásum Ísraelsmanna. Flestir hinna látnu voru óbreyttir borgarar, þeirra á meðal mikill fjöldi barna.

Á sama tímabili létust fjórir Ísraelsmenn, þar af þrír óbreyttir borgarar og nokkrir særðust, þegar vopnaðar sveitir Palestínumanna gerðu eldflaugaárásir á borgaraleg skotmörk í suður Ísrael.

Ekkert lát er á ofbeldinu; fjöldi fallinna borgara á Gasa eykst sífellt.

Þrýstu á ísraelsk stjórnvöld að binda tafarlaust enda á árásir sínar og leyfa flutning neyðargagna, flutning særðra og frjálsar ferðir óbreyttra borgara burt af átakasvæðinu, sem og frjálst aðgengi mannréttinda- og mannúðarstarfsmanna og fjölmiðlafólks að svæðinu.

Prentaðu bréf og sendu til forseta Ísrael