Gríptu til aðgerða: krefstu virðingar fyrir íbúa fátækrahverfa Nairobi í Kenía
Frá fátækrahverfum Nairobi
Meira en helmingur íbúa Nairobi – um tvær milljónir manna – býr í fátækrahverfum og óformlegum byggðum. Jarðnæði þessa helmings þekur einungis um 1 prósent af nýtanlegu landrými borgarinnar og íbúarnir búa við ófullnægjandi aðgang að vatni, heilsugæslu, skólum og annarri grunnþjónustu.
Allt að einni milljón býr í Kiberia, stærsta fátækrahverfi Nairobi, á litlu svæði kringum meginjárnbrautarteina borgarinnar. Flestir þeirra afla tæplega nægilegs fjár til að leigja sér viðarskúr með moldargólfi og bárujárnsþaki án salernis eða rennandi vatns.
Íbúar fátækrahverfanna eiga stöðugt á hættu að vera bornir út með valdi, sem er ólöglegt samkvæmt alþjóðlegum mannréttindalögum. Mikilli hörku er iðulega beitt við útburðinn og fólk fær engar bætur, þrátt fyrir að hafa misst heimili sín, fyrirtæki og eigur.
Stundum eru það kaupsýslumenn, sem standa að baki útburðinum, og stundum eru það stjórnvöld. Íbúar Deep Sea hverfisins hafa ítrekað sætt útburði stjórnvalda. Stundum er fólk borið út vegna fyrirhugaðra framkvæmda stjórnvalda, eins og vegalagningar.
Kenísk stjórnvöld hafa gert áætlun um endurbætur í fátækrahverfum landsins. Því ber að fagna en enn bólar ekkert á aðgerðum fyrir íbúa fátækrahverfa Nairobi.
Sendu bréf og þrýstu á stjórnvöld í Kenía að gera úrbætur í þágu íbúa fátækrahverfa landsins !
Prentaðu út bréfið hér að neðan og sendu til stjórnvalda í Kenía: