Gríptu til aðgerða
Gríptu til aðgerða: Shell geri hreint fyrir sínum dyrum
Myndband frá Amnesty International um olíuvinnslu Shell í Nígeríu
Árið 1956 hóf stórfyrirtækið Shell fyrst að vinna olíu á óseyrum Nígerfljóts í Nígeríu en 95% af útflutningstekjum landins byggja á olíu- og gasvinnslu. Þrátt fyrir að olíuvinnsla Shell hafi skilað ríkinu auknum tekjum lifa 70% almennra borgara undir fátæktarmörkum.
Gífurleg olíumengun og umhverfisspjöll hafa hlotist af starfsemi Shell sem hefur alvarleg heilsuspillandi áhrif á íbúanna og ógnar lífsviðurværi þeirra, þar á meðal fiskveiði og landbúnaði. Afleiðingarnar eru aukin fátækt og örbirgð. Íbúar eru sjaldnast upplýstir um þau áhrif sem olíuvinnsla Shell á svæðinu hefur á mannréttindi og umhverfi þeirra.
Þrátt fyrir að Shell hafi árið 2008, lofað umbótum og ábyrgari starfssemi í Nígeríu er enn hyldýpisgjá á milli loforða og efnda.
Rétturinn til heilsusamlegs umhverfis er mannréttindi. Amnesty International skorar á nýjan framkvæmdastjóra Shell í höfuðstöðvum fyrirtækisins í Hollandi (Royal Dutch Shell) að hefja nýjan kafla í starfsemi Shell á óseyrum Nígerfljóts, þar sem ábyrgð og gagnsæi eru sett á oddinn og mannréttindi virt. Nígería er stærsti olíuframleiðandi Afríku og fimmti stærsti olíuinnflytjandi til Bandaríkjanna.
Gríptu til aðgerða: sendu bréf og þrýstu á forstjóra Shell að virða mannréttindi !
