Gríptu til aðgerða: þrýstu á íslensk stjórnvöld að fullgilda samning um þvinguð mannshvörf

Um heim allan bíða fjölskyldur frétta af afdrifum ástvina sinna, sem erindrekar stjórnvalda, eða aðrir með stuðningi eða þöglu samþykki stjórnvalda, námu á brott.

Vinir og ættingjar hafa engin tök á að komast að því hvað kom fyrir. Þeir sem eru látnir hverfa njóta engrar lagaverndar. Allt getur komið fyrir þá. Margir þeirra eru pyndaðir. Margir drepnir.

Stjórnvöld nota þvinguð mannshvörf sem kúgunartæki til að bæla niður andóf og stjórnarandstöðu, og til að ofsækja trúarhópa, stjórnmálahreyfingar og fólk af ákveðnum uppruna.

Yfir 3.000 manns af albönskum uppruna voru látnir hverfa í átökunum í Kósovó árið 1999. Her og lögregla Serbíu, ásamt sveitum tengdum serbneskum stjórnvöldum báru ábyrgð á mannshvörfunum. Vopnaðir albanskir hópa rændu meira en 800 Serbum, fólki af Róma-uppruna og öðrum. Um 1.900 fjölskyldur í Kósovó og Serbíu bíða þess enn að fá fréttir af afdrifum ættingja sinna.

Yfir 1.600 manns hafa horfið á Filippseyjum frá því á áttunda áratug síðustu aldar, flestir í aðgerðum stjórnvalda gegn uppreisnarhópum.

James Balao, sem barist hefur fyrir rétti frumbyggja, hvarf í september 2008, á leið í heimsókn til fjölskyldu sinnar í La Trinidad í Benguet-héraði

Einkennisklæddir og vopnaðir menn stöðvuðu för hans og neyddu hann inn í hvítan sendibíl. Vitni skrifuðu undir yfirlýsingu þar sem þau lýstu handtöku hans. Þau hafa nú farið í felur af ótta við ofsóknir.

Fjölskyldur horfinna í Marokkó mótmæla mannshvörfum í maí 2009

Allsherjarþing Sameinuðu þjóðanna samþykkti alþjóðasamning árið 2006 til verndar öllu fólki gegn þvinguðum mannshvörfum. Þegar samningurinn tekur gildi mun hann verða öflugt tæki til að koma í veg fyrir þvinguð mannshvörf, leiða í ljós sannleikann um slíka glæpi, refsa hinum seku og tryggja fórnarlömbum og fjölskyldum þeirra réttlæti.

Einungis örfá ríki til viðbótar þurfa að staðfesta samninginn til að hann taki gildi. Amnesty International hvetur öll stjórnvöld sem ekki hafa staðfest samninginn að gera það sem allra fyrst. Staðfesting ríkja á samningnum er sterk skilaboð um að þvinguð mannshvörf verði ekki liðin og öflugt tæki fyrir alla þá sem leita ástvina sinna.

Sendu tölvupóst á utanríkisráðherra Íslands og hvettu íslensk stjórnvöld til að fullgilda samning gegn þvinguðum mannshvörfum !

Tillaga að bréfi