Gríptu til aðgerða: Shell geri hreint fyrir sínum dyrum
Árið 1956 hóf stórfyrirtækið Shell fyrst aðvinna olíu á óseyrum Nígerfljóts í Nígeríu en 95% af útflutningstekjum landins byggja á olíu- og gasvinnslu. Þrátt fyrir að olíuvinnsla Shell hafi skilað ríkinu auknum tekjum, lifa 70% almennra borgara undir fátæktarmörkum. Gífurleg olíumengun og umhverfisspjöll hafa hlotist af starfsemi Shell á óseyrum Nígerfljóts sem hefur alvarleg heilsuspillandi áhrif á íbúanna og ógnar lífsviðurværi þeirra, þar á meðal fiskveiði og landbúnaði. Afleiðingarnar eru aukin fátækt og örbirgð. Íbúar eru sjaldnast upplýstir um áhrifin sem olíuvinnsla Shell á svæðinu hefur á mannréttindi og umhverfi þeirra. Þrátt fyrir að Shell hafi árið 2008 lofað umbótum og ábyrgari starfsemi á óseyrum Nígerfljóts er enn hyldýpisgjá á milli loforða og efnda. Rétturinn til heilsusamlegs umhverfis er mannréttindi. Amnesty International skorar á Mutiu Sunmonu, framkvæmdastjóra Shell í Nígeríu (Shell Petroleum Development), að hefja nýjan kafla í starfsemi Shell á óseyrum Nígerfljóts þar sem ábyrgð og gagnsæi eru sett á oddinn og mannréttindi virt.
Gríptu til aðgerða ! - Prentaðu út og sendu bréf til yfirmanns Shell í Nígeríu: