Gríptu til aðgerða: þvingaður brottflutningur í Simbabve
Áætlað er að 700 hundruð þúsund manns hafi misst heimili sín, atvinnu eða hvort tveggja, í skipulögðum aðgerðum (Murambatsvina) stjórnvalda í Simbabve árið 2005. Bæði heimili og fyrirtæki voru rifin niður í aðgerðunum og beittu lögregla og her fólk gegndarlausu ofbeldi meðan á þeim stóð.
Dómsúrskurður um brottflutningana lá ekki fyrir og íbúum var ekki gefin nægilegur fyrirvari, en hvort tveggja brýtur í bága við alþjóðleg mannréttindalög sem Simbabve hefur skuldbundið sig til að hlíta. Í júní 2005 hrintu stjórnvöld af stað herferð sem nefndist Garikai/Hlalani Kuhle (Betra líf) undir því yfirskini að bæta fólki upp missinn og útvega því mannsæmandi húsaskjól.
Sárafá fórnarlömb þvinguðu brottflutninganna fengu þó skaðann bættan eins og til stóð. Flestum var úthlutað agnarlitlum, hrjóstrugum landsskika þar sem þau urðu sjálf að byggja sér ný húsakynni, en í þeim tilvikum sem stjórnvöld sáu fólki fyrir húsnæði voru 20% þeirra eyrnamerkt þeim sem störfuðu innan hersins, lögreglunnar eða sinntu opinberum embættisstörfum. Allt fram á þennan dag búa fórnarlömb þvinguðu brottflutninganna árið 2005 við hörmulegar aðstæður.
Gríptu til aðgerða: sendu bréf og þrýstu á stjórnvöld í Simbabve !