Gríptu til aðgerða: þvingaður brottflutningur í Angóla
Rúmlega 10.000 fjölskyldur eru enn heimilislausar í Lúanda, höfuðborg Angóla eftir að hafa verið þvingaðar brott af heimilum sínum í júlí 2001. Lögregla, her, öryggisverðir og héraðsfulltrúar framkvæmdu útburðinn en ósjaldan var fólk beitt miklu ofbeldi meðan á aðgerðunum stóð. Í sumum tilvikum handtók lögregla einnig íbúa sem streittust á móti og hélt þeim föngnum um tíma. Meðlimir í samtökum í Lúanda sem berjast fyrir réttinum til húsaskjóls (SOS-Habitat) voru jafnframt handteknir þegar þeir reyndu að sannfæra yfirvöld um að stöðva útburðinn.
Fáar fjölskyldur hafa hlotið bætur vegna skaðans. Sumar fengu úthlutað húsaskjóli í 30 til 40 kílómetra fjarlægð frá borginni þar sem aðgangur að atvinnu, menntun, sjúkrahúsi, skolpræsikerfi eða annarri grunnþjónustu er enginn. Mikill meirihluti fólks þarf sjálfu að sjá sér farborða og fjöldinn allur sætir síendurteknum útburði. Hundruð fjölskyldna hafa ekkert húsaskjól og búa í rústum þar sem heimili þeirra stóðu áður.
Gríptu til aðgerða: sendu bréf og þrýstu á stjórnvöld í Angóla !