Látið íranska samviskufanga lausa úr haldi !
Hundruð Írana hafa verið handteknir frá því yfirvöld hertu aðgerðir sínar gegn andófsmönnum í kjölfar umdeildra forsetakosninga í júní 2009, sem Mahmoud Ahmadinejad vann.
Amnesty International hvetur írönsk stjórnvöld til að leysa úr haldi samviskufanga sem hnepptir voru í varðhald eða fangelsaðir fyrir það eitt að nýta sér tjáningarfrelsi sitt.
Blaðamenn, nemendur, baráttufólk fyrir mannréttindum, lögfræðingar, fræðimenn, fyrrum pólitískir fangar og fólk sem tilheyrir minnihlutahópum hafa sætt ofsóknum yfirvalda síðustu 12 mánuðina.
Réttarhöld eru gölluð og dómar grundvallaðir á „játningum“ sem fengnar eru með pyndingum eða annarri illri meðferð.
Sýndarréttarhöldin eftir kosningarnar voru óréttlætið uppmálað og ætlað að senda þeim skilaboð sem reyndu að andæfa stjórnvöldum.
Mótmælendur hafa verið dæmdir í langa fangelsisvist, sumir til hýðingar, og að minnsta kosti 16 verið dæmdir til dauða.
Amnesty International hvetur til þess að allir samviskufangar verði leystir úr haldi tafarlaust og án skilyrða.
Gríptu til aðgerða !