Ekvador: Baráttukona fyrir mannréttindum í lífshættu
Hjálparákall febrúar 2009
Esther Landetta er framákona í tveimur héraðssamtökum er helga sig rannsóknum og upplýsingagjöf um áhrif námavinnslu á heilsu og atvinnu íbúa þar. Esther Landetta hefur verið í fararbroddi í viðleitni samtakanna Varnarsamkoma ánna okkar Gala, Chico, Tenguel og Siete, í Guayas-héraði, við að skrá og fordæma opinberlega mengun í ánum. Esther Landetta er einnig félagi í Baráttukonur á Pachamama-vettvangnum, þar sem konur þróa hæfileika sína til að taka þátt í mannréttindastarfi.
Vegna baráttu Esther Landetta réðust staðaryfirvöld í opinbera rannsókn á áhrifum námavinnslu á svæðinu og birtu skýrslu í apríl 2008 um mengun í ám. Síðan þá hafa ofsóknir gegn henni magnast. Þann 12. júlí 2008 var Esther Landetta vöruð við því að leigumorðingjar hefðu verið ráðnir til að myrða hana. Hún og börn hennar létu sig hverfa og njóta nú verndar stjórnvalda. Ríkissaksóknari landsins hefur hafið rannsókn á hótunum gegn henni. Þeirri rannsókn miðar ekkert áfram. Hún getur ekki snúið heim aftur af ótta um líf sitt og fjölskyldu sinnar.
Hér að neðan eru bréf sem þú getur prentað út og sent til stjórnvalda: