Össur Skarphéðinsson utanríkisráðherra

Utanríkisráðuneytið

Rauðarárstíg 25

150 Reykjavík

postur@utn.stjr.is

Háttvirti ráðherra

Stjórnvöld nota þvinguð mannshvörf sem kúgunartæki til að bæla niður andóf og stjórnarandstöðu og til að ofsækja trúarhópa, stjórnmálahreyfingar og fólk af ákveðnum uppruna.

Hinn 20. desember 2006 samþykkti allsherjarþing Sameinuðu þjóðanna Alþjóðlegan samning gegn þvinguðum mannshvörfum. Markmið samningsins er að koma í veg fyrir þvinguð mannshvörf, leiða sannleikann í ljós þegar slíkir glæpir eru framdir, refsa þeim sem ábyrgð bera á þvinguðum mannshvörfum og veita fórnarlömbum og fjölskyldum þeirra skaðabætur.

Ísland undirritaði samninginn hinn 1. október 2008 en á eftir að fullgilda hann. Samningurinn mun taka gildi þegar 20 ríki hafa fullgilt hann. Nígería varð 13 ríkið til að gera slíkt þann 27. júlí 2009. Sjö ríki til viðbótar þurfa því að fullgilda samninginn til þess að hann öðlist gildi.

Þvinguð mannshvörf eru mjög alvarleg mannréttindabrot sem verður að stöðva. Ég hvet íslensk yfirvöld til að fullgilda samninginn og hvetja önnur ríki til hins sama.

Virðingarfyllst,