Yfirlýsing
28. nóvember 2022Yfirlýsing vegna beitingar einangrunarvistar gegn börnum
Íslandsdeild Amnesty International fordæmir beitingu einangrunarvistar gegn börnum í gæsluvarðhaldi í öllum tilfellum. Beiting einangrunarvistar gegn börnum er skýrt brot gegn alþjóðlegum mannréttindalögum og viðmiðum.
Afstaða samtakanna er skýr þessa efnis. Þegar einangrunarvist er beitt gegn börnum hér á landi brjóta stjórnvöld gegn alþjóðlegu banni við pyndingum og annarri grimmilegri, ómannlegri eða vanvirðandi meðferð eða refsingu. Fjöldi alþjóðasamninga sem Ísland er aðili að fela í sér umrætt bann.
Rannsóknir sýna að áhrif einangrunarvistar hafa alvarleg áhrif á líkamlega og andlega heilsu einstaklings jafnvel þó hún vari aðeins í nokkra daga. Áhrifin geta falið í sér svefnleysi, ruglingi, ofsjónum og geðrofi.
Á árunum 2012 til 2021 hafa tíu börn sætt einangrun í gæsluvarðhaldi á Íslandi.
Í áliti nefndar Sameinuðu þjóðanna gegn pyndingum (e. UN CAT) í maí 2022 er lýst áhyggjum að börn hafi sætt einangrun í gæsluvarðhaldi á Íslandi. Í tilmælum nefndarinnar til íslenskra stjórnvalda eru þau hvött til aðlaga íslensk lög að alþjóðlegum lagaramma sem leggur bann við beitingu einangrunarvistar gegn einstaklingum undir lögaldri.
Íslandsdeild Amnesty International hvetur stjórnvöld að bregðast við tilmælum nefndarinnar og endurskoða laga- og verklagsramma svo tryggt sé að börn sæti aldrei einangrun í gæsluvarðhaldi í samræmi við alþjóðleg mannréttindalög.
Lestu einnig
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu