Ungliðahreyfing

Ungl­iða­hreyfing Íslands­deildar Amnesty Internati­onal er félags­skapur fyrir ungt fólk á aldr­inum 14-25 ára. Hlut­verk ungl­iða­hreyf­ing­ar­innar er að vekja athygli á mann­rétt­indum og mann­rétt­inda­brotum um heim allan.

Ungl­iða­hreyf­ingin er opin öllum áhuga­sömum ungmennum sem vilja taka þátt í að skipu­leggja viðburði og aðgerðir til að bera út boðskap mann­rétt­inda. Ungl­iða­hreyf­ingin fundar reglu­lega og öllum nýliðum er tekið fagn­andi.

Með þátt­töku í ungl­iða­hreyf­ing­unni gefst ungu fólki tæki­færi til að láta gott af sér leiða, vald­eflast, taka þátt í alþjóð­legu mann­rétt­ind­a­starfi bæði innan­lands og erlendis og fá þjálfun í viðburða­stjórnun.

Þú getur tekið þátt og fylgst með starf­semi ungl­iða­hreyf­ing­ar­innar á Insta­gram.

Næstu viðburðir

16. Maí 2024, kl. 18:00-20:00

Vertu með í ungliðahreyfingunni!

Áhugasamt ungt fólk er velkomið að mæta á Kex hostel og kynna sér sumarverkefni ungliðahreyfingarinnar. Boðið verður upp á veitingar og hægt að skrá sig í ungliðahreyfinguna.

20. Júní 2024, kl. 19:00

Alþjóðadagur flóttafólks

Haldið verður söguboð (Story-sharing café) í Húsi máls og menningar þriðjudaginn 20. júní nk. Söguboð fer þannig fram að fólk úr ólíkum áttum sest við borð og deilir eigin sögum sem spretta frá fimm hversdagslegum umræðuefnum. Við hvert borð eru 6-8 átta sæti og túlkar hjálpa þeim sem þurfa svo öll fái tækifæri til að koma sinni sögu áleiðis. Þema kvöldsins tengist reynslusögum af Gaza og tengdum mótmælum á Íslandi.

22. Júní 2024, kl. 12:00-20:00

Mannréttindasmiðja fyrir ungt fólk á aldrinum 14-18 ára

Mannréttindasmiðjan er vettvangur fyrir ungt fólki sem brennur fyrir mann­rétt­indum til að efla eigin rödd og tján­ingu. Unnið verður með skipu­lögðum og ánægju­legum hætti í þágu mann­rétt­inda. Þema smiðjunnar í ár er ritskoðun í Rússlandi. Að mannréttindasmiðju lokinni fá þátttakendur Amnesty-bol og viðurkenningarskjal. Allur matur á meðan smiðjunni stendur í boði Amnesty International og tillit tekið til mataræðis eða ef um óþol eða ofnæmi er að ræða. Hægt er að skrá sig fram til 31. maí.

Ungir aðgerðarsinnar

Ungl­iða­hreyfing Íslands­deildar Amnesty Internati­onal var stofnuð í mars 2012. Hreyf­ingin hefur vakið athygli á fjölda mann­rétt­inda­mála með því að skipu­leggja og taka þátt í ýmsum aðgerðum og viðburðum, meðal annars mótmælum, málþingi, gleði­göngu, mara­þoni og alþjóða­ráð­stefnum.

Ungmenni eru oft virk­ustu félag­arnir okkar. Þau taka þátt í mann­rétt­ind­a­starfi okkar af miklum eldmóð og sýna mikla sköp­un­ar­gáfu.

 

Markmið ungl­iða­hreyf­ing­ar­innar er:

  • Að vekja athygli á mann­rétt­indum
  • Að skipu­leggja viðburði og aðgerðir
  • Að halda jafn­ingja­fræðslu
  • Að taka þátt í alþjóð­a­starfi Amnesty Internati­onal
  • Að vera vett­vangur fyrir ungmenni til að afla sér reynslu og þekk­ingu

 

Ungl­iða­hreyf­ingin er góður félags­skapur með það að mark­miði að gera heiminn að betri stað.

ÞITT NAFN BJARGAR LÍFI

Þú ætlar að styðja og .

Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.

Skrifaðu undir og Íslandsdeild Amnesty International sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.

Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu