Kamerún
Á enskumælandi svæðum Kamerún hefur verið herjað á stuðningsfólk stærsta stjórnarandstöðuflokks landsins, mannréttindafrömuði, aðgerðasinna og mótmælendur fyrir það eitt að nýta sér tjáningarfrelsið og réttinn til að mótmæla friðsamlega. Rúmlega hundrað einstaklingar hafa verið handteknir að geðþótta.
Dorgelesse Nguessan, hársnyrtir og einstæð móðir unglingspilts, tók þátt í sinni fyrstu kröfugöngu í september 2020 sem fór friðsamlega fram. Kröfugangan, sem var á vegum MRC-stjórnarandstöðuflokksins, fór fram þó að stjórnvöld hafi bannað hana. Rúmlega 500 einstaklingar voru handteknir og Dorgelesse var á meðal þeirra. Hún var dæmd í í fimm ára fangelsi í desember 2021 fyrir „uppreisn“ og fyrir að „ógna þjóðaröryggi“.
Intifalia Oben, stuðningsmaður MRC-flokksins, var dæmdur í fimm ára fangelsi í herrétti í desember 2021. Hann var handtekinn í september 2020 af þremur óeinkennisklæddum öryggissveitarmönnum eftir að hafa afgreitt sérpöntun á stuttermabolum með pólitískum skilaboðum sem þeir höfðu pantað hjá honum. Hann var ákærður fyrir „tilraun til byltingar, uppreisnar og ófriðsamlegrar samkomu“ og „fyrir að eiga ekki viðeigandi skilríki“.
Penn Terence Khan, er fjögurra barna faðir og aðstoðarskólastjóri í framhaldsskóla í Bambili á enskumælandi svæðum Kamerún. Hann var handtekinn fyrir að fylgja ákalli um sniðgöngu og verkfallsaðgerðum sem voru skipulagðar af aðgerðasinnum, kennurum og lögfræðingum. Honum var rænt úr bíl sínum af tíu öryggissveitarmönnum. Hann var m.a. ákærður fyrir fyrir „að fjármagna hryðjuverk“ og fyrir „hlutdeild í byltingu“. Hann var dæmdur í 12 ára fangelsi. Einu sönnunargögnin gegn honum voru stuttermabolir með slagorðum, þar sem m.a. annars stóð: „Við erum Kamerúnar, við erum ekki öfgafólk“.
Tsi Conrad, fjölmiðlamaður og heimildagerðarmaður frá Bamenda (í enskumælandi hlutanum), fjallaði um mótmæli á enskumælandi svæðum Kamerún. Hann var þekktur fyrir að deila myndböndum af óhóflegri valdbeitingu öryggissveitar gegn mótmælendum á einkafjölmiðli sem sjálfstætt starfandi fjölmiðlamaður. Hann var handtekinn í desember 2016 þegar hann fjallaði um mótmæli þar sem öryggissveitir hleyptu ítrekað skotum í átt að mótmælendum. Hann var dæmdur í 15 ára fangelsi m.a. fyrir hryðjuverk,og dreifa fölskum upplýsingum.
Frá árinu 2016 hafa rúmlega hundrað einstaklingar verið handteknir í tengslum við mótmæli á enskumælandi svæðunum og eru þeir enn í haldi. Að handtaka fólk fyrir það eitt að nýta sér tjáningar-og fundafrelsið er ólögmætt. Fangelsisvist í kjölfar réttarhalda án réttlátrar málsmeðferðar er einnig ólögmæt.
Skrifaðu undir og krefstu þess að stjórnvöld leysi pólitíska aðgerðasinna, mannréttindafrömuði og friðsama mótmælendur úr haldi og allar ákærur á hendur þeirra verði felldar niður.
Þín undirskrift getur bjargað mannslífi
Rússland
Dmitry Skurikhin er verslunareigandi og aðgerðarsinni sem afplánar 18 mánaða dóm á fanganýlendu í Rússlandi fyrir brot á ritskoðunarlögum um hernað. Skrifaðu undir og kallaðu eftir því að rússnesk stjórnvöld leysi Dmitry Skurikhin skilyrðislaust úr haldi án tafar.
Rússland
Rússnesku ritskoðunarlögin brjóta gegn mannréttindum. Rússland verður að afnema þessi ósanngjörnu lög án tafar og leysa úr haldi öll þau sem eru fangelsuð fyrir að tjá skoðanir sínar gegn stríðinu. Sýnum fólki í Rússlandi samstöðu sem hefur þor til að mótmæla friðsamlega stríðinu gegn Úkraínu.
Kólumbía
Dag hvern hætta mannréttindafrömuðir lífi sínu í þágu mannréttinda í Kólumbíu. Vernda verður rétt þeirra til að tryggt sé að kólumbískt fólk geti lifað lífi sínu frjálst undan ofbeldi. Að berjast fyrir mannréttindum í Kólumbíu er afar hættulegt og mannréttindafrömuður er myrtur um það bil annan hvern dag. Skrifaðu undir og krefstu þess að kólumbísk stjórnvöld tryggi umfangsmiklar öryggisaðgerðir og verndi alla mannréttindafrömuði.
Alþjóðlegt
Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.
Lýðstjórnarlýðveldið Kongó
Að svara eftirspurn heimsins eftir kopar og kóbalti er íbúum í Lýðstjórnarlýðveldinu Kongó dýrkeypt. Þeir eru beittir þvinguðum brottflutningum og ofbeldi ásamt því að heimili þeirra eru eyðilögð. Skrifaðu undir ákall um að Tshisekedi forseti stöðvi þvingaða brottflutninga og mannréttindabrot í grennd við kopar- og kóbaltnámur.
Venesúela
Í nýrri skýrslu Amnesty International fordæma samtökin kúgunarstefnu ríkisstjórnar Nicolás Maduro í Venesúela og greina frá málum níu einstaklinga sem sæta varðhaldi að geðþótta. Skrifaðu undir og krefstu tafarlausrar lausnar þeirra án skilyrða.
Ísrael
Palestínubúar berjast gegn andlitsgreiningartækni sem er notuð til að takmarka grundvallarréttindi þeirra. Tækni getur bætt aðgengi að námi, heilbrigðisþjónustu, upplýsingum og veitt fólki aukin tækifæri óháð uppruna þess. Ekki skal beita tækninni til að áreita og jaðarsetja Palestínubúa í þeim tilgangi að framfylgja aðskilnaðarstefnu Ísraelsríkis. Skrifaðu undir bréf til framleiðenda andlitsgreiningartæknibúnaðarins og krefstu tafarlausrar stöðvunar á framleiðslu á tæknibúnaði sem notar andlitsgreiningu og lífkenni.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu
