Hætta er á þvinguðum brottflutningum Masai-hirðingjasamfélagsins til að greiða leið fyrir ferðaþjónustu á svæðinu. Um 70.000 einstaklingar eru í hættu í kjölfar þess að liðsafli lögreglu og hers kom í bæinn Loliondo í norðurhluta Tansaníu þar sem Masai-fólkið býr. Liðsaflinn kom á svæðið þann 7. júní í þeim tilgangi að taka land af Masai-fólkinu samkvæmt áætlun yfirvalda. Mótmæli hófust tveimur dögum síðar. Yfirvöld beittu táragasi og skotvopnum gegn mótmælendum. 25 einstaklingar voru handteknir og ranglega ákærðir fyrir samsæri um morð á lögreglufulltrúa.
Yfirvöld hafa ítrekað gert tilraunir til að taka yfir beitiland Masai-hirðingjasamfélagsins í Lolindo. Áður hafa íbúar fjögurra þorpa sætt þvinguðum brottflutningum af landi sínu. Austur-afríski dómstóllinn skipaði stjórnvöldum að stöðva þvingaða brottflutninga Masai-samfélagsins þar til búið væri að fara yfir mál þess en von er á niðurstöðum í september.
Skrifaðu undir og krefstu þess að yfirvöld stöðvi þvingaða brottflutninga í Lolilondo og fresti landtöku frá Masai-samfélaginu. Einnig verða þau að leysa alla mótmælendurna 25 úr haldi.