Mótmælandi sætti pyndingum
Nasser Zefzafi hefur ánægju af fótbolta. Hann lifði friðsælu lífi með fjölskyldu sinni á Rif-svæðinu í norðurhluta Marokkós. Skert heilbrigðisþjónusta og menntun og fá atvinnutækifæri hrjá þetta svæði. Íbúar þar hafa verið jaðarsettir af hverri ríkisstjórninni af annarri í Marokkó.
Í kjölfar andláts fisksala sem kramdist undir sorphirðubíl þegar hann reyndi að ná aftur fiski sem hafði verið gerður upptækur af yfirvöldum hófust friðsamleg mótmæli í október 2016 í bænum þar sem Nasser bjó. Milljónir einstaklinga fóru í friðsamlega kröfugöngu til að tjá sorg sína og reiði. Fólkið hafði fengið nóg og krafðist breytinga. Þetta var upphafið að Hirak El-Rif-hreyfingunni. Nasser trúir sterkt á réttlæti og jafnrétti og varð hann áberandi í hreyfingunni.
Næstu mánuði handtóku marokkóskar öryggissveitir hundruð mótmælenda. Nasser var handtekinn 29. maí 2017 fyrir að trufla athöfn í mosku og ásaka múslímaklerk um að vera málsvari yfirvalda. Í varðhaldi sætti Nasser pyndingum og annarri illri meðferð af hálfu lögreglu. Nasser var dæmdur í tuttugu ára fangelsi hinn 27. júní 2018 fyrir það eitt að tjá sig. Honum var haldið í einangrun til 31. ágúst 2018.
Heilsu Nassers hefur hrakað töluvert við hræðilegar aðstæður í fangelsinu. Hann þjáist af ýmiss konar heilsuvanda, m.a. í öndunarfærum, ásamt taugaverk og sjónvanda. Fangelsismálayfirvöld hafa neitað honum um þá læknishjálp sem hann þarfnast.
Krefstu þess að marokkósk stjórnvöld leysi Nasser úr haldi strax.
Þín undirskrift getur bjargað mannslífi
Pólland
Kvenréttindafrömuðurinn Justyna Wydrzyńska fann sig knúna til að aðstoða konu í ofbeldissambandi við þungunarrof. Slík aðstoð er refsiverð samkvæmt lögum í Póllandi. Justyna var sakfelld í kjölfarið sem setur hættulegt fordæmi.
Bandaríkin
Rocky Myers, svartur karlmaður með þroskahömlun, hefur setið í þrjá áratugi á dauðadeild í Alabama fyrir morð. Réttargæslan sem honum var úthlutað var ófullnægjandi og Rocky var sakfelldur í kjölfar vitnisburða sem litaðir voru af mótsögnum og meintum þrýstingi lögreglu.
Ástralía
Pabai frændi og Paul frændi búa á eyjunum í Torres-sundi, nyrsta hluta Ástralíu, en forfeður þeirra hafa búið þar í þúsundir ára. Nú eru lífshættir þeirra og djúp tenging við landið, sjóinn og himinblámann í hættu vegna loftslagsbreytinga.
Túnis
Á þeim tveimur árum sem liðin eru frá því að forseti landsins, Kais Saied, tók öll völd í Túnis hafa mannréttindi verið fótum troðin, dómstóla skort sjálfstæði og ráðist hefur verið gegn tjáningarfrelsinu. Chaima Issa gagnrýndi aðgerðir forsetans og var sett í varðhald í kjölfarið. Hún á yfir höfði sér áratugalangt fangelsi.
Sameinuðu arabísku furstadæmin
Ahmed vakti reglulega máls á varðhaldi, pyndingum og óréttlátum réttarhöldum yfir einstaklingum sem gagnrýndu stjórnvöld í Sameinuðu arabísku furstadæmunum. Nú er hann einn af gagnrýnendum stjórnvalda sem sitja í fangelsi.
Brasilía
Pedro Henrique var aðgerðasinni og talsmaður kynþáttaréttlætis og mannréttinda. Hann var skotinn til bana af hettuklæddum mönnum í desember 2018, 31 árs að aldri. Lögreglumennirnir sem grunaðir eru um morðið eru enn starfandi og réttarhöld eru ekki enn hafin. Ana Maria, móðir hans, berst fyrir réttlæti.
Suður-Afríka
Thapelo Mohapi leiðir grasrótarhreyfingu sem vinnur að efnahagslegum umbótum í lífi fólks í Suður-Afríku og berst gegn lögregluofbeldi. Frá árinu 2021 hefur hann verið í felum vegna líflátshótana. Árið 2022 voru þrír meðlimir hreyfingarinnar myrtir.
Kirgistan
Rita Karasartova er baráttukona fyrir mannréttindum í Kirgistan. Hún var mótfallin samkomulagi um landamæri sem veitir Úsbekistan stjórn yfir ferskvatnssvæðum. Núna er hún í stofufangelsi og sætir ströngu útgöngubanni. Hún á yfir höfði sér 15 ára fangelsisvist.
Mjanmar
Maung Sawyeddollah, 15 ára, flúði þegar þjóðernishreinsanir á Róhingjum hófust. Hatursorðræða þar sem hvatt var með beinum hætti til ofbeldis gegn Róhingjum fékk víðtæka dreifingu á Facebook. Hann krefur nú samfélagsmiðilinn um skaðabætur.
Esvatíní
Thulani Maseko helgaði líf sitt fólkinu í Esvatíní, konungsríki þar sem konungsfjölskyldan er einráð og auðug en 60% íbúa lifa undir fátæktarmörkum. Hann gagnrýndi opinberlega kúgandi lög í landinu og ríkisofbeldi. Hann var skotinn til bana fyrir framan konu sína þann 21. janúar 2023.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Fyrir ungt fólk sem vill hafa áhrif minnum við á ungliðahreyfingu Amnesty International en hópar eru starfandi um land allt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu
