• Fereshte Mesbah frá Afganistan faðmar Hafdísi Bjarnadóttur við tökur á myndbandinu #Velkomin

Ísland skuldbindi sig til að veita mun fleira flóttafólki alþjóðlega vernd

SMS-aðgerð-mars

Flóttafólk í heiminum býr nú við mikla og brýna neyð. Nauðsynlegt er að þau ríki sem eiga þess kost leiti í sameiningu alþjóðlegra lausna á þessum vanda flóttafólks. Þá er við þessar aðstæður einkar mikilvægt að stjórnvöld í þessum ríkjum axli ábyrgð sína hver fyrir sig af einurð og tryggi flóttafólki raunverulega vernd. Ísland er eitt þessara ríkja.

Viðbrögð stjórnvalda og almennings við vanda flóttafólks munu skilgreina hvernig heimi við og komandi kynslóðir lifum í. Því eru viðbrögð íslenskra stjórnvalda nú prófsteinn á það hvort að Ísland axlar sómasamlega þá ábyrgð sem hvílir á því að taka þátt í að leysa úr mestu mannréttindaneyð okkar tíma.

SMS-félagar skora á íslensk stjórnvöld að gera meira til að hjálpa fólki á flótta með því að taka á móti fleira kvótaflóttafólki árið 2017. Slík skuldbinding væri í samræmi við yfirlýsingar í stjórnarsáttmála ríkisstjórnarinnar um að „vandað verði til reglubundinnar móttöku kvótaflóttafólks og stefnt sé að því að taka á móti fleiri kvótaflóttamönnum.“

Þú getur skráð þig í SMS-aðgerðanetið hér: http://www.amnesty.is/taktu-thatt/sms-adgerdarnetid/