Sagan okkar
Árið 1961 hóf breski lögfræðingurinn Peter Benenson herferð um heim allan, sem bar heitið Ákall um sakaruppgjöf 1961 (Appeal for Amnesty 1961) með birtingu greinarinnar Gleymdu fangarnir (The Forgotten Prisoners) í dagblaðinu Observer.
Benenson skrifaði greinina eftir að hafa frétt um tvo portúgalska nemendur sem voru fangelsaðir eftir að hafa skálað fyrir frelsinu. Ákall hans var síðan birt í öðrum dagblöðum víða um heim og varð upphafið að Amnesty International.
Fyrsti alþjóðafundurinn var haldinn í júlí það ár og sóttu hann fulltrúar frá Belgíu, Bretlandi, Frakklandi, Þýskalandi, Írlandi, Sviss og Bandaríkjunum. Þeir ákváðu að koma á laggirnar „varanlegri, alþjóðlegri hreyfingu til stuðnings tjáningar- og trúfrelsi“.
Skrifstofa samtakanna og bókasafn fengu inni á skrifstofu Peter Benenson í London og sjálfboðaliðar tóku að sér reksturinn. „Þriggjanetið“ var stofnsett; það þýddi að hver hópur Amnesty International tók að sér þrjá fanga frá mismunandi landsvæðum og pólitískum áhrifasvæðum, og lagði þannig áherslu á óhlutdrægni hópsins.
Kveikt var á fyrsta Amnesty-kertinu í St. Martin in the Fields-kirkjunni í London á alþjóðlega mannréttindadaginn, 10. desember sama ár.
Íslandsdeild Amnesty International
Íslandsdeild Amnesty International var formlega stofnuð í Norræna húsinu 15. september árið 1974. Í dag er skrifstofan staðsett á Þingholtsstræti 27.
Íslandsdeild Amnesty International hefur stuðlað að aukinni þekkingu á mannréttindum hér á landi og haft jákvæð áhrif á líf fjölda þolenda mannréttindabrota. Íslandsdeildin er vettvangur fyrir hinn almenna borgara til að hafa jákvæð áhrif á mannréttindaástandið í heiminum í dag.
Starfsemi deildarinnar byggir á frjálsum framlögum. Til að tryggja sjálfstæði og óhlutdrægni hafnar deildin opinberu fé.
Aðgerðir 2021
Við söfnum undirskriftum
- Í Netákallinu var 44.218 undirskriftum safnað fyrir ýmis mál um heim allan árið 2022.
- Í gegnum sms-aðgerðanetið okkar söfnuðust 16.046 undirskriftir árið 2022.
- Í Þitt nafn bjargar lífi herferðinni okkar í desember 2022 söfnuðust samtals 57.803 undirskriftir, bæði í gegnum vefsíðu og á viðburðum víðsvegar um landið.
Það er mikilvægt að allir þekki sín mannréttindi
- Við höldum kynningar og sinnum fræðslu um allt land en árið 2022 stóðum við fyrir 44 fræðslum í skólum, fyrirtækjum og víðar fyrir 1.354 einstaklinga.
Félagar og aðgerðasinnar
- Í Netákallinu okkar eru skráðir um 21.867 einstaklingar sem fá sendan tölvupóst reglulega um aðgerðir til að skrifa undir.
- Í sms-aðgerðanetinu okkar, sem er bæði aðgerðanet og fjáröflun, eru um 6.300 virkir notendur.
- Aðrir reglulegir styrktaraðilar Íslandsdeildar Amnesty International telja um 9.300. Við þökkum kærlega fyrir stuðninginn!
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Fyrir ungt fólk sem vill hafa áhrif minnum við á ungliðahreyfingu Amnesty International en hópar eru starfandi um land allt.
Styrktu & skrifaðu undir áköll með símanum
- Þú færð send 3 áköll í mánuði
- Þú greiðir 199 kr. fyrir hvert sms móttekið
- Skrifaðu undir ákallið með því að svara skilaboðunum AKALL í 1900
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
ÞITT NAFN BJARGAR LÍFI
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu