Venesúela
Emirlendris Benítez er 42 ára gömul kona í Venesúela sem var handtekin að geðþótta í ágúst 2018 og dæmd í 30 ára fangelsi árið 2022 eftir ósanngjörn réttarhöld. Mál hennar er dæmi um ógnvekjandi kúgun venesúelskra stjórnvalda. Þrátt fyrir að hún hafi aldrei tengst pólitísku aðgerðastarfi og engar sannanir voru fyrir hendi var hún ásökuð um að vera viðriðin ofbeldi gegn háttsettu stjórnmálafólki.
Emirlendris Benítez hefur sætt grófum mannréttindabrotum, þar á meðal geðþóttavarðhaldi, pyndingum og kynbundnu ofbeldi, auk ósanngjarnra réttarhalda og ómannúðlegra aðstæðna í varðhaldi.
Hún sætti pyndingum í byrjun varðhalds á sama tíma og hún var ófrísk. Nokkrum vikum síðar var hún látin undirgangast þungunarrof án hennar vitundar og samþykkis. Hún þarf nú að nota hjólastól sem er afleiðing pyndinga.
Aðstæður í fangelsinu eru það slæmar að fjölskylda Emirlendris Benítez þarf að útvega henni vatn, mat og lyf. Ástandið í landinu gerir fjölskyldu hennar einnig erfitt fyrir að nálgast þessar nauðsynjar og samgöngur eru að auki erfiðar en fangelsið er í 30 km fjarlægð frá höfuðborginni þar sem fjölskyldan býr.
Líf Emirlendris Benítez er í hættu. Henni hefur ítrekað verið neitað um læknismeðferð sem hún nauðsynlega þarfnast.
Skrifaðu undir og krefstu þess að Emirlendris Benítez verði leyst úr haldi!
Einnig er þess krafist að hún fái viðeigandi og nauðsynlega læknismeðferð þar til hún verður leyst úr haldi.
Ástandið í landinu
Mannréttindaneyðin í Venesúela er mikil. Í mars 2023 höfðu 7,24 milljónir einstaklinga flúið landið vegna ástandsins. Óháð rannsóknarsendinefnd hefur skráð mál í hundruðum talið þar sem einstaklingar hafa verið teknir af lífi án dóms og laga, sætt pyndingum, þvinguðu mannshvarfi og geðþóttavarðhaldi af hálfu stjórnvalda frá árinu 2014. Að auki er dómskerfinu beitt til að þagga niður í pólitísku andófi.
Þín undirskrift getur bjargað mannslífi
Rússland
Maria Ponomarenko er fjölmiðlakona og tveggja barna móðir sem sætir illri meðferð í fangelsi. Hún deildi skilaboðum á samskiptamiðlinum Telegram um sprengjuárás rússneskra hersveita á leikhús í Mariupol í mars 2022. Skrifaðu undir og kallaðu eftir því að rússnesk stjórnvöld leysi Mariu Ponomarenko skilyrðislaust úr haldi án tafar.
Rússland
Dmitry Skurikhin er verslunareigandi og aðgerðarsinni sem afplánar 18 mánaða dóm á fanganýlendu í Rússlandi fyrir brot á ritskoðunarlögum um hernað. Skrifaðu undir og kallaðu eftir því að rússnesk stjórnvöld leysi Dmitry Skurikhin skilyrðislaust úr haldi án tafar.
Rússland
Rússnesku ritskoðunarlögin brjóta gegn mannréttindum. Rússland verður að afnema þessi ósanngjörnu lög án tafar og leysa úr haldi öll þau sem eru fangelsuð fyrir að tjá skoðanir sínar gegn stríðinu. Sýnum fólki í Rússlandi samstöðu sem hefur þor til að mótmæla friðsamlega stríðinu gegn Úkraínu.
Kólumbía
Dag hvern hætta mannréttindafrömuðir lífi sínu í þágu mannréttinda í Kólumbíu. Vernda verður rétt þeirra til að tryggt sé að kólumbískt fólk geti lifað lífi sínu frjálst undan ofbeldi. Að berjast fyrir mannréttindum í Kólumbíu er afar hættulegt og mannréttindafrömuður er myrtur um það bil annan hvern dag. Skrifaðu undir og krefstu þess að kólumbísk stjórnvöld tryggi umfangsmiklar öryggisaðgerðir og verndi alla mannréttindafrömuði.
Alþjóðlegt
Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.
Lýðstjórnarlýðveldið Kongó
Að svara eftirspurn heimsins eftir kopar og kóbalti er íbúum í Lýðstjórnarlýðveldinu Kongó dýrkeypt. Þeir eru beittir þvinguðum brottflutningum og ofbeldi ásamt því að heimili þeirra eru eyðilögð. Skrifaðu undir ákall um að Tshisekedi forseti stöðvi þvingaða brottflutninga og mannréttindabrot í grennd við kopar- og kóbaltnámur.
Venesúela
Í nýrri skýrslu Amnesty International fordæma samtökin kúgunarstefnu ríkisstjórnar Nicolás Maduro í Venesúela og greina frá málum níu einstaklinga sem sæta varðhaldi að geðþótta. Skrifaðu undir og krefstu tafarlausrar lausnar þeirra án skilyrða.
Ísrael
Palestínubúar berjast gegn andlitsgreiningartækni sem er notuð til að takmarka grundvallarréttindi þeirra. Tækni getur bætt aðgengi að námi, heilbrigðisþjónustu, upplýsingum og veitt fólki aukin tækifæri óháð uppruna þess. Ekki skal beita tækninni til að áreita og jaðarsetja Palestínubúa í þeim tilgangi að framfylgja aðskilnaðarstefnu Ísraelsríkis. Skrifaðu undir bréf til framleiðenda andlitsgreiningartæknibúnaðarins og krefstu tafarlausrar stöðvunar á framleiðslu á tæknibúnaði sem notar andlitsgreiningu og lífkenni.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu
