Ísrael
Harðnandi átök á milli Ísraels og Hamas og annarra vopnaðra hópa valda óbreyttum borgurum miklum þjáningum. Átök á þessu svæði hafa aldrei verið jafn hörð eða mannfallið jafn mikið. Líf fjölda fólks hefur verið lagt í rúst. Dag hvern eykst mannfallið og mannúðarneyðin á Gaza. Amnesty International krefst þess að allir aðilar í átökunum semji án tafar um vopnahlé til að binda enda á blóðbaðið og tryggja að mannúðaraðstoð komist til Gaza.
Mannfall óbreyttra borgara á Gaza heldur áfram að aukast af miklum þunga í vægðarlausum sprengjuárásum Ísraels. Þessar árásir eru viðbrögð Ísraels við gíslatöku þar sem óbreyttum borgurum er haldið og hryllilegum árásum Hamas og annarra vopnaðra hópa sem hafa valdið dauða um 1.400 einstaklinga í Ísrael. Á sama tíma hafa fleiri en 6.500 einstaklingar verið drepnir í árásunum á Gaza, meðal annars í handahófskenndum árásum og öðrum ólögmætum árásum. Flestir hinna látnu eru óbreyttir borgarar og þriðjungur þeirra eru börn. Fjöldi líka er enn grafinn undir í rústum. Milljónir standa frammi fyrir því að þurfa flýja heimili sín, missa eignir sínar og þjást.
Hamas og aðrir vopnaðir hópar hafa tekið að minnsta kosti 200 gísla sem eru í lífshættu og þeim haldið á Gaza. Þeir hafa einnig skotið ónákvæmum eldflaugum til Ísraels sem setur óbreytta borgara þar í hættu.
Á sama tíma hefur Ísrael stöðvað vöruflutninga til Gaza, þar á meðal vörur á borð við vatn, mat og eldsneyti, sem setur líf rúmlega tveggja milljóna íbúa Gazasvæðisins í hættu. Ólögmæt herkví Ísraels á Gaza-svæðinu, síðastliðin 16 ár hefur valdið þar mikilli mannúðarneyð sem mun aðeins aukast ef ekki verður bundinn endi á átökin án tafar.
Alvarleg brot á alþjóðlegum mannúðarlögum, þar á meðal stríðsglæpir, af hálfu allra aðila átakanna hafa fengið að viðgangast af fullum þunga.
Vopnahlé stöðvar ólögmætar árásir allra aðila í átökunum, fækkar dauðsföllum á Gaza og gerir hjálparstofnunum kleift að veita lífsnauðsynlega aðstoð, meðal annars að flytja vatn og sjúkragögn inn á Gazasvæðið, til að lina gífurlegar þjáningar íbúa. Spítalar geta þá einnig fengið lífsnauðsynleg lyf, eldsneyti og búnað sem sárlega vantar og unnið að endurbótum á þeim sjúkradeildum sem hafa eyðilagst.
Vopnahlé veitir einnig ráðrúm til að semja um lausn gísla sem er haldið á Gaza og opnar rými fyrir óháðar alþjóðlegar rannsóknir á stríðsglæpum allra aðila átakanna. Slíkar rannsóknir geta átt þátt í að binda enda á refsileysið sem hefur fengið að viðgangast í langan tíma og hefur ýtt undir grimmdarverk. Nú er brýnt að ráðist sé á rót vanda þessara átaka með því að binda enda á aðskilnaðarstefnu Ísraels gegn palestínsku fólki.
Skrifaðu undir og krefstu þess að Katrín Jakobsdóttir forsætisráðherra og Bjarni Benediktsson utanríkisráðherra Íslands leggi sitt af mörkum til að alþjóðasamfélagið kalli tafarlaust eftir vopnahléi og að bundinn verði endi á mannúðarneyðina í Gaza.
Tengt efni
Þín undirskrift getur bjargað mannslífi
Rússland
Maria Ponomarenko er fjölmiðlakona og tveggja barna móðir sem sætir illri meðferð í fangelsi. Hún deildi skilaboðum á samskiptamiðlinum Telegram um sprengjuárás rússneskra hersveita á leikhús í Mariupol í mars 2022. Skrifaðu undir og kallaðu eftir því að rússnesk stjórnvöld leysi Mariu Ponomarenko skilyrðislaust úr haldi án tafar.
Rússland
Dmitry Skurikhin er verslunareigandi og aðgerðarsinni sem afplánar 18 mánaða dóm á fanganýlendu í Rússlandi fyrir brot á ritskoðunarlögum um hernað. Skrifaðu undir og kallaðu eftir því að rússnesk stjórnvöld leysi Dmitry Skurikhin skilyrðislaust úr haldi án tafar.
Rússland
Rússnesku ritskoðunarlögin brjóta gegn mannréttindum. Rússland verður að afnema þessi ósanngjörnu lög án tafar og leysa úr haldi öll þau sem eru fangelsuð fyrir að tjá skoðanir sínar gegn stríðinu. Sýnum fólki í Rússlandi samstöðu sem hefur þor til að mótmæla friðsamlega stríðinu gegn Úkraínu.
Kólumbía
Dag hvern hætta mannréttindafrömuðir lífi sínu í þágu mannréttinda í Kólumbíu. Vernda verður rétt þeirra til að tryggt sé að kólumbískt fólk geti lifað lífi sínu frjálst undan ofbeldi. Að berjast fyrir mannréttindum í Kólumbíu er afar hættulegt og mannréttindafrömuður er myrtur um það bil annan hvern dag. Skrifaðu undir og krefstu þess að kólumbísk stjórnvöld tryggi umfangsmiklar öryggisaðgerðir og verndi alla mannréttindafrömuði.
Alþjóðlegt
Ungir notendur lýsa TikTok sem skaðlegum og ávanabindandi miðli þar sem þeir eiga á hættu að verða háð miðlinum út af tillögum sem sérstaklega eru sniðnar að þeim. Börn og ungt fólk sem horfa á myndefni sem tengist geðheilsu á TikTok eru líklegri til að fá tillögur um að horfa á sífellt fleiri myndbönd sem fjalla um, fegra og jafnvel hvetja til þunglyndislegra hugsana, sjálfskaða og sjálfsvígs. Skrifaðu undir og krefstu þess að að TikTok banni á heimsvísu sérsniðnar auglýsingar sem beint er að ungum notendum, og sjái til þess að það sé val að hafa sérsníðaðar tillögur að myndefni á efnisveitunni í stað þess að það sé sjálfgefið.
Lýðstjórnarlýðveldið Kongó
Að svara eftirspurn heimsins eftir kopar og kóbalti er íbúum í Lýðstjórnarlýðveldinu Kongó dýrkeypt. Þeir eru beittir þvinguðum brottflutningum og ofbeldi ásamt því að heimili þeirra eru eyðilögð. Skrifaðu undir ákall um að Tshisekedi forseti stöðvi þvingaða brottflutninga og mannréttindabrot í grennd við kopar- og kóbaltnámur.
Venesúela
Í nýrri skýrslu Amnesty International fordæma samtökin kúgunarstefnu ríkisstjórnar Nicolás Maduro í Venesúela og greina frá málum níu einstaklinga sem sæta varðhaldi að geðþótta. Skrifaðu undir og krefstu tafarlausrar lausnar þeirra án skilyrða.
Ísrael
Palestínubúar berjast gegn andlitsgreiningartækni sem er notuð til að takmarka grundvallarréttindi þeirra. Tækni getur bætt aðgengi að námi, heilbrigðisþjónustu, upplýsingum og veitt fólki aukin tækifæri óháð uppruna þess. Ekki skal beita tækninni til að áreita og jaðarsetja Palestínubúa í þeim tilgangi að framfylgja aðskilnaðarstefnu Ísraelsríkis. Skrifaðu undir bréf til framleiðenda andlitsgreiningartæknibúnaðarins og krefstu tafarlausrar stöðvunar á framleiðslu á tæknibúnaði sem notar andlitsgreiningu og lífkenni.
Allt starf Amnesty International er fjármagnað og drifið áfram af einstaklingum eins og þér. Hvert framlag — hver aðgerð vegur þungt.
Styrktu & skrifaðu undir áköll með símanum
Einfalt og áhrifaríkt aðgerðanet
Vertu með í netákallinu, þar sem meðlimir fá tilkynningar í tölvupósti um alvarleg mannréttindarbrot sem krefjast tafarlausra viðbragða.
Þú ætlar að styðja og .
Skrifaðu undir og Amnesty á Íslandi sendir viðeigandi aðilum bréf í þínu nafni. Engar aðrar persónuupplýsingar en nafn þitt munu fylgja bréfinu á viðkomandi stjórnvöld.
Með því að skrifa undir málin samþykkir þú skilmála Íslandsdeildar Amnesty International um undirskriftir og persónuverndarstefnu